07.04.2017
Экалагічны сплыў "Чыстая рака 2017"
Запрашаем прыняць удзел у экасплыве "Чыстая рака 2017", прымеркаваным да адкрыцця воднага сезону і міжнароднаму Дню Зямлі 22 красавіка. Экасплыў будзе сумешчаны з ўборкай смецця на рацэ Заходняя Бярэзіна.
Акрамя самаго сплыву мы зробім вогнішча і лагер ў кемпінгу Засьцянак Скрыплеў (xytap.by), дзе ўсе ўдзельнікі змогуць пагутарыць, паспяваць песьні пад гітару, абмеркаваць новы сезон сплываў.
Традыцыя правядзення экасплываў пачалася ў 2013 годзе, мы яе працягваем і развіваем. Ужо 4 гады вясной і ўвосені мы прыбіралі Іслач. За ўвесь час мы сабралі больш за 8 тонаў плавучага смецця. У 2016 годзе экасплыў прайшоў асабліва масава і прадуктыўна пры падтрымцы кампаніі EPAM.
Праграма экасплыву 22 красавіка (субота):
10.00 Збор удзельнікаў.
11.00 Інструктаж, размеркаванне экіпажаў.
12.00 – 17.00 Экасплыў з прыпынкамі для выгрузкі смецця і кава-паўзы.
17.00 Фініш і трансфер удзельнікаў у Засьцянак Скрыплеў.
19.00 Вячэра.
20.00 Вогнішча, сьпевы пад гітару.
Усе жадаючыя змогуць паставіць намёт і застацца начаваць.
Арганізатары: Splav.by и "Зялёная каманда"
Па пытаньням удзелу ў экасплыве звяртайцеся па тэлефонах:
+375 29 151-01-87 Ганна Шкурдзюк
+375 29 168-36-55 Уладзімір Кастэнка
29.11.2016
Дзіцячы клуб аматараў актыўнага зімовага адпачынку
Шаноўныя сябры Зялёнай Каманды!
Упершыню мы хочам прапанаваць вашым дзеткам уступіць у клуб аматараў актыўнага зімовага адпачынку. Гэта наш новы праэкт 2017 года, у якім мы паспрабуем сумясціць два тэматычных накірунка нашай фірмы: падарожжа на Аляску і беларускія народныя традыцыі. На прагяцу восеньскага летніка было вырашана, што для такіх мерапрыемстваў слова “летнік” не зусім прыдатнае, па большай частцы гэта клуб… дзіцячы клуб, у якім прымае удзел невялікая колькасць дзяцей, дзе мы прводзім разам шмат часу, кожны дзень жывем з новымі думкамі і яскравымі падзеямі, як вялікая дружная сям’я. Першая частка нашай праграмы будзе прысвечана Алясцы, гэтаму цудоўнаму штату ЗША, яго гісторыі, героям і жыхарам. У другой палове мы будзем рыхтавацца да святкавання беларускага народнага свята Каляд, даведаемя пра старыя традыцыі нашых краёў, будзем калядаваць, завітаем у госці да Бабы Ягі і будзем частаваць калядную вячеру. А пасярэдзіне праграммы будзем праводзіць актыўны дзень з лыжамі, санямі і спадзявацца, што гэтая зіма падорыць нам шмат снегу, як на сапраўднай Алясцы…
Праграма тут
Даты:
3-8 студзеня 2017г. (6 дзён)
Умовы пражывання – хостэл, адноўленая аўтэнтычная хата канца 30-х гадоў з печкамі, каміннай залай і цеплым санітарным вузлом. Тэрыторыя аграсядзібы Засценак Скрыплева www.xytap.by
Харчаванне - дзень ад'езду - вячэра, дзень прыезду - сняданак, стандартны дзень - поўны пансіён.
Узрост удзельнікаў - ад 9 дзеці да 14 гадоў. Хлопчыкі і дзяўчынкі.
Колькасць удзельнікаў - да 12 чалавек.
Кошт удзелу -570 BYN
Пастаянныя кліенты Зялёнай Каманды - 540 BYN
02.10.2016
Запрашаем на эка-сплыў па рацэ Іслач
У 2013 годзе Зялёная Каманда упершыню правяла акцыю па ачыстцы вярхоў’еў ракі Іслач ад бытавога смецця. 4 гадзіны сплыву, па вадзе прайшлі ўсяго 6 км і мусілі скончыць, бо лодкі проста перапаўняліся сабраным пластыкам і шклом. З таго часу эка-сплывы сталі адной з самых лепшых традыцый нашай фірмы. Мы спрабуем праводзіць падобныя мерапрыемствы па два разы на год, кожны раз да нас далучаюцаа новыя людзі, не абыякавыя да нашай Радзімы і прыроды.
І сёння мы запрашаем жадючых на закрыццё воднага сезона 2016, на эка-сплыў па рацэ Іслач.
Дата: 22 кастрычніка 2016 (субота)
Што ад Вас патрэбна:
1. Жаданне
2. Самастойны даезд на месца старта (альбо па замове)
3. Зарэгістравацца па тэлефоне +37529 151 01 87, Вольга, ці даслаць заяўку на e-mail: info1@greenteam.by
4. Пасля рэгістрацыі на працягу 3-х дзён зрабіць аплату за ўдзел у сплыве праз сістэму «ЕРИП» https://www.greenteam.by/be/raschet/ . Абавязкова даслаць фота квітанцыі. Узнос за ўдзел у сплыве - 20 BYN /персона (грошы пойдуць на тое каб пакрыць сабекошт на арганізацыю, трансфер лодак, пальчаткі, мяшкі для смецця, вываз смецця)
5. Падрыхтавацца да сплыву https://greenteam.by/uploaded/spisok_veshej.pdf
Усім удзельнікам сплыву будуць вывадзены сертыфікаты на права абніжкі 10%, калі вы будзеце карыстацца паслугамі арганізацыі сплываў ад Зялёнай Каманды воднага сезона 2017 года.
23.09.2016
ДЗІЦЯЧЫ ПРЫГОДНІЦКА-ПАЗНАВАЛЬНЫ ЛЕТНІК "ІНДЫЯНА ДЖОНС" У ПЕРЫЯД ВОСЕНЬСКІХ КАНІКУЛ
30.10 - 05.11.2016
7 дзён
Дарагія сябры Зялёнай Каманды!
Ужо другі год да традыцыйных прапановах па дзіцячым турызме мы рыхтуемся да правядзення летніка ў перыяд восеньскіх канікул. Летнік накіраваны на пазнанне гістарычнага мінулага нашай Радзімы праз гульню і падарожжа. Дзяцей чакаюць экскурсіі па замках, знаёмства з цікавымі асобамі з вобласці ваенна-гістарычнай рэканструкцыі, народнымі рамеснікамі. Вечарамі мы часта глядзім мастацкія фільмы гістарычнага зместу, гутарым пра гісторыю, археалогію, нумізматыку, архітэктуру. ... І, як звычайна, мы не адступаем ад прынцыпаў актыўнага адпачынку і спартыўнага турызму. Зарадкі - абавязковыя, пры добрым надвор'і мы заўсёды на вуліцы, на свежым паветры. Замест ноўтбукаў і тэлефонаў у нас дзеці катаюцца на ровары, верхам на кані, сплаўляюцца на каноэ або ідуць у трэкінг. ... І заўсёды ёсць пэўная інтэлектуальная мэта або пазнанне. Кожны летнік Зялёнай Каманды заканчваецца Вялікай Гульнёй. Гульня будзе называцца «Індыяна Джонс», у гонар вядомага фільма пра прыгоды і падарожжа вясёлага археолага. Мы спрабуем зрабіць так, каб кожны ўдзельнік адчуў сябе удалым даследчыкам, такім як Індыяна Джонс. Дзяцей чакаюць загадкі і таямніцы, якія трэба разгадаць, а таксама выпрабаванні, для праходжання якіх спатрэбяцца і сілы, і кемлівасць, і камандны дух.
Аўтар ідэі летніка,
Дырэктар Турыстычнага прадпрыемства «Зялёная Каманда»
Васіль Грынь
Праграма летніка
01.05.2016
Экалагічны сплыў па рацэ Іслач
23 і 29 красавіка 2016 года па ініцыятыве кампаніі <EPAM> і Пасольства ЗША ў Рэспубліцы Беларусь і пры падтрымцы турыстычнага прадпрыемства "Зялёная каманда» адбыўся чарговы экалагічны сплыў па рацэ Іслач.
Асноўная мэта мерапрыемства - ачыстка вярхоў'еў унікальнай, з пункту гледжання прыроднай каштоўнасці, ракі ад бытавога смецця і прадметаў чалавечай жыццядзейнасці.
У гэтым годзе ў ачыстцы ракі прыняла ўдзел каля 150 чалавек.
23.04.2016
ДЗІЦЯЧЫ ЛЕТНІК “ЗЯЛЁНАЯ КАМАНДА 2016”
Пачынаецца рэгістрацыя ўдзельнікаў летніка Зялёная Каманда 2016.
Праграма летніка
