Дарагія Калегі! Творчы калектыў прафесійных экскурсаводаў прапануе аўтарскія аўтобусныя экскурсіі па Беларусі. Выкарыстанне метадычных прыёмаў у дачыненні да адпаведных школьных узростаў, улік актуальнай школьнай праграмы, педагагічная адукацыя (гісторыя і філалогія), дасканалыя веды краязнаўчага матэрыялу – відавочныя перавагі нашай работы. Падчас экскурсіі прапануем элементы рэканструкцыйнай і ролевай гульні, тэматычныя відэаматэрыялы, краязнаўчыя віктарыны з прызамі і сувенірамі, а таксама вясёлы настрой і проста захапляльнае падарожжа. Нашыя экскурсіі дапамагаюць школьным настаўнікам у адукацыйным працэсе і выхаванні патрыятызму маладога пакалення грамадзян Беларусі!
ПРЫГОДНІЦКАЯ ЭКСКУРСІЯ “ЛАКОТА ВАШТЭ*”
Падарожжа ў Паўночную Амерыку канца 19 стагоддзя, землі Дзікага Захаду, дзе пражывае гераічнае племя індзейцаў Лакота
Вас чакае:
А таксама кожнаму – баявая афарбоўка ад важдзя племені Лакота.
*Лакота Ваштэ – у перакладзе з мовы племені Лакота азначае – Лакота героі –
традыцыйны рэфрэн песен , якія суправаджаюць баявыя пляскі індзейцаў.
Больш інфармацыі
МІНСК – СТАЛІЦА БЕЛАРУСІ
гадзіны/км
1.Таямніцы старога горада – экскурсія пабудавана ў форме інтэрактыўнай гульні для вучняў пачатковай школы. Сустрэцца з менскім князем Глебам, адшукаць скарб з манетамі, даведацца, для чаго ў Мінску пабудавана Ратуша і атрымаць грамату ад бургамістра старадаўняга Менска . А на гандлёвай плошчы - вы патрымаеце у руках сапраўдныя вагі 19ст. і сустрэнецеся з героямі беларускай батлейкі(доктарам і паненкай). Медаль на памяць - кожнаму ўдзельніку!!!
І ў працяг экскурсіі:
Варыянт 1: музей авіяцыйнай тэхнікі пад адкрытым небам на Баравой +увах 3.00/асоба
Варыянт 2: Нацыянальная бібліятэка з пад»ёмам на аглядальную пляцоўку+увах 3.00/асоба
4/50
2. Мінск Янкі Купалы – цікавыя эпізоды з жыцця класіка, наведванне мясцін, дзе ён сам любіў бываць, таямніцы яго біяграфіі.
Пешаходная экскурсія (раён парка Янкі Купалы) для школьнікаў сярэдняга і старэйшага ўзросту
2г
МУЗЕІ ПАД АДКРЫТЫМ НЕБАМ І ЗАПАВЕДНІКІ
3. Строчыцы (музей на Менцы) - тэатралізаваная экскурсія “Пшанічны каласок” + камандная
гульня-квэст “Скарбы з куфра” на свежым паветры (40 хвілінаў здароўя, кошт уключаны)
Гл. падрабязней
Гл.фотагалерэю
5/50
4. Дудуткі - Знаёмства з народнымі рамёствамі . Пачастунак ад пекара (хлеб, сыр,масла)
6/100
5. Станькава – экатурыстычны комплекс. Навінка! Каша з кацелка!
Музей “Партызанскія зямлянкі” і “Застава”( ваенная тэхніка 20ст.) . Прагулка па вальерах.
6/120
6. “МЯДОВАЯ ЭКСКУРСІЯ” пад Лагойскам!
Захапляльнае падарожжа на сапраўдную пасеку да пчаляра. У спецадзенні пчаляра кожны пройдзе па пасеке, даведаецца шмат цікавых баек з жыцця пчол ад сапраўднага пчаляра. Наведае этнамузей і вальеры з прыручанымі ваўкамі . Мядовы пачастунак кожнаму (бліны з мёдам,бульбачка у мундзіры, гарбата). Гл. падрабязней
5/100
ТЭХНАЛАГІЧНЫЯ ЭКСКУРСІІ
7. Бярозаўка (шклозавод “Нёман” ), з наведваннем Наваградскага і Мірскага замкаў + кошт уваходнага 7 бел руб/асоба
Традыцыя вырабу шкла на Беларусі і сучасны шклозавод у Бярозаўцы.
9/410
8. Завод мастацкай керамікі ў г.п. Радашковічы (экскурсія, масцер-клас “Лепім самі”, гліняны падарунак кожнаму) . Па дарозе назад наведаем Заслаўе – дзіцячы музей міфалогіі лесу. Тэатралізацыя – сустрэча з Бабкай Ёўгай (кожнаму –пернік ад дамавічка )!
5/120
9. НА БЕЛАЗ. Экскурсія на завод-гігант у Жодзіна і ў працяг - наведванне спартовай гігант- арэны ў Барысаве!
НА РАДЗІМУ СЛАВУТЫХ БЕЛАРУСАЎ
10. Вандроўка па Віленскім шляху - гісторыя дарогі праз храмы, замкі, лёсы знакамітых людзей.
Ракуцёўшчына (музей М.Багдановіча) Маладзечна, Залессе (кампазітар М.К.Агінскі), Жупраны-Кушляны (паэт Фр.Багушэвіч), Жодзішкі,Солы. Гл. падрабязней
9/350
11. На Радзіму Адама Міцкевіча - Завоссе (месца нараджэння А.Міцкевіча)-воз.Свіцязь-Навагрудак (музей А.Міцкевіча) Гл. падрабязней
10/350
12. Зямлёй Я.Купалы – Вязынка, Радашковічы, Яхімоўшчына
7/180
13. Мой родны кут – Стоўбцы, Акінчыцы, Мікалаеўшчына.
ВАЕННАЯ ГІСТОРЫЯ БЕЛАРУСІ.
14. Урокі гісторыі на колах:
Мы супраць вайны (музей “Лінія Сталіна”, мемарыял Шталаг 342 у Маладэчна, мемарыял спаленай вескі ў в.Брусы, “партызанскія зямлянкі” у нарачанскіх лясах, габрэйская брацкая магіла і могілкі нямецкіх жаўнераў 1-й сусветнай у Кабыльніку (Нарач) для старэйшых класаў Гл. падрабязней
10/300
15. Хатынь (экспазіцыйна-выставачны музей “Хатынь”) – Курган Славы – Курапаты Гл. падрабязней
5/160
16. Фартэфікацыі розных стагоддзяў: Заслаўе (9-16ст). Лінія Сталіна(20 ст.)- музей тэхнікі пад адкрытым небам.
5/ 80
БЕЛАРУСКІЯ МЯСТЭЧКІ
17. Заслаўе - адно са старажытных мястэчак Беларусі. Гарадзішча “Замэчак” 10ст – месца саслання княжны Рагнеды і князя Ізяслава. Кальвінскі збор 16ст. і замкавыя валы–помнік абарончага дойлідства Беларусі. Гл. падрабязней -этнаграфічны комплекс “Хата завозніка” -дзіцячы музей міфалогіі лесу - інтэрактыўная экскурсія “Дзіўныя байкі ад цёткі Рагены”: (беларускія народныя гульні на свежым паветры + смачны пачастунак)
6/90
18. Глыбокае-Удзела-Мосар-Будслаў. Глыбокае – старадаўняе месца з прыгожымі барочнымі храмамі, у адным з якіх спыняўся Напалеон. Мосар – прагулка па ўнікальнаму дэндрапарку каля старадаўняга касцёла св.Ганны. Будслаў – адзін з самых знакамітых хрысціянскіх асяродкаў Беларусі. Касцёл 18ст. Гісторыя культу Маці Божай Будслаўскай. Гл.падрабязней
12 /350
19. Паставы – Камаі – Лучай –в.Салаўіха(страусіная ферма) - жыццё і справы, слава і няслаўе беларускага магната-прадпрымальніка А. Тызенгаўза і яго рэзідэнцыя ў Паставах з захаваным архітэктурным ансамблем 18ст. Абарончы храм-замак 17ст у Камаях, незвычайны барочны храм у в.Лучай 18ст. Экзатычны аграбізнэс на Беларусі - наведванне страўсінай фермы пад Паставамі. Гл. падрабязней
11/420
МАГНАЦКІЯ ГНЁЗДЫ, ЗАМКІ І ПАЛАЦЫ
20.Нясвіж. І толькі Нясвіж. Насычаная экскурсія па багацейшаму помніку Беларусі: княскі замак, радавая усыпальніца і Фарны касцёл, вялізарны парк і гарадская ратуша (з музеем). Экскурсія пабудавана з элементамі ролевай гульні і гістарычнага пераапранання. Кожнаму экскурсанту - ганаровы дыплом.
8/300
21. Крэва – Баруны – Гальшаны.
Крэва–адна з самых таямнічых і велічных старонак гісторыі ВКЛ. Рэшткі замка 14ст, Юрава гара і старажытнае гарадзішча Крэва. Баруны – унікальны манастырскі комплекс 17-18стст. Гісторыя абраза Маці Божай Барунскай. Гальшаны – бадай адзінае месца на Беларусі, дзе легенда вяртаецца ў наш час сапраўднай анамальнай з”явай. Гл. падрабязней
8 / 320
22. Ліда – Любча - Навагрудак . Навагрудак – першая сталіца магутнай дзяржавы ВКЛ. Любча – замак 16ст. Кішкаў-Радзівілаў.
У Лідзе – анімацыя ”Забавы на рыцарскім двары” кошт уключаны
23. Косава - Мерачоўшчына – Ружаны – Альберцін.
Косава – нэаготыка як паўстанне ў архітэктуры Беларусі 19ст. Гісторыя палаца Пуслоўскіх 19ст і яго гаспадароў, графоў Пуслоўскіх. Мерачоўшчына – мясціна, дзе нарадзіўся ганаровы грамадзянін ЗША, Швейцарыі, Францыі, нацыянальны герой Польшчы і Літвы, забыты сын Беларусі Андрэй Тадэвуш Банавентура Касцюшка. Ружаны – радавое гняздо магнацкага роду Беларусі Сапегаў. Гісторыя, слава і трагедыя сапежанскага роду і палаца 17-19стст. Альберцін – Слонімскі маёнтак графоў Пуслоўскіх. З наведваннем музеяў у Косава і Ружанах. Гл. падрабязней
12/650
24. Жыровіцы – Сынкавічы – Слонім (Альберцін). Жыровіцы – бадай самы знакаміты хрысціянскі асяродак Беларусі. Цудоўныя ўзоры баракальнай культавай архітэктуры 17-18стст. Гісторыя культу Маці Божай Жыровіцкай. Сынкавічы – унікальная з”ява еўрапейскай архітэктуры – праваслаўная готыка пачатку 15 ст. Гл. падрабязней
11/430
25. Смілавічы – Бабруйск – Жылічы. Смілавічы – руіны палаца 19ст. Манюшкаў-Ваньковічаў. Бабруйск – крэпасць пачатку 19ст., гістарычная забудова і музей горада. Жылічы – адзін з найвялікшых палацава-паркавых комплексаў Беларусі пач. 19ст. Гл. падрабязней
8/350
СТАРАЖЫТНЫЯ БЕЛАРУСКІЯ ГАРАДЫ
26. Полацк – Бярэзінскі запаведнік(экалагічны прыпынак з наведваннем вальераў+кошт увах.5тыс/асоба).
Полацк – калыска беларускай дзяржаўнасці. Сафійскі сабор – унікальны помнік архітэктуры 11ст. Музей кнігадрукавання Хрысціянская святыня Беларусі – манастыр Ефрасінні Полацкай. Гл. падрабязней
12/520
27. Гродна – Каложская царква 13.ст, Стары замак, Новы замак, Фарны касцёл, заапарк, царква-крэпасць у в.Мураванка.
Вандроўка на кацеры па Августоускаму каналу-па замове.
1дзень
28. Тураў – у пошуках зніклага княства. Святыні Тураўскай зямлі.
Навінка!!! Аўтобуснае сафары па нацпарку”Прыпяцкі”. Прагулка на кацеры па Прыпяці .
ДВУХДЗЁННЫЯ ЭКСКУРСІІ
29. Брэст – Белавежская пушча –Камянецкая вежа (праз Косаўскі і Ружанскі палацы (гл.вышэй). З наведваннем страусінай фермы і аквапарка у Кобрыне(1 гадзіна) Гл. падрабязней
2 дні
Пералік пры асабістай заяве вячэра, сняданак, перакус, музеі . Дадаткова увечары дыскатэка
30. Гродна - горад-музей, каралеўскі замак, музей – аптэка, заапарк, аквапарк. Праз замак ў Лідзе, Іўе – каталіцкі касцёл і мусульманская мячэць.
Па папярэдней замове у Лідскім замку магчыма інтэрактыўнаяпраграма”Забавы на рыцарскім двары” - кошт 70 000/асоба (з пачастункам)
Пералік пры асабістай заяве вячэра, сняданак, перакус, музеі, аквапарк (адна гадзіна) Дадаткова-увечары дыскатэка
31. Шлях на Усходняе Палессе(Гомель –Ветка) праз Смілавічы, Бабруйск, Жылічы. Унікальны этнаграфічны музей у мястэчке Ветка
2 днi
Пералік пры асабістай заяве вячэра, сняданак, перакус, музеі дадаткова- увечары дыскатэка
32. Магілёў- праз Оршу, Барысаў ( Студзёнка- месца бітвы з Напалеёнам).
Буйніцкае поле- месца абароны Магілёва Наведванне Магілёўскага заасаду.
Пералік пры асабістай заяве вячэра, сняданак, перакус, музеі дадаткова – увечары дыскатэка
33. Пінск-Тураў. З наведваннем Лагішына (абраз Маці Божай Лагішанскай).
Навінка!!! Аўтобуснае сафары па нацпарку “Прыпяцкі”. Прагулка на кацеры па Прыпяці. Гл. падрабязней
Пералiк пры асабiстай заяве вячэра, сняданак, перакус, музеі дадаткова-увечары дыскатэка
ВАЖНАЕ!
* Экскурсіі праводзяцца на беларускай мове стандартна, ці рускай мове па замове
Замова экскурсій і дадатковыя пытанні info@greenteam.by , альбо па тэл: Вэлком +375 29 634 09 00 МТС ++375 44 347 94 56
